Астана. 22 қазан. Интерфакс-Қазақстан. Финляндия Президенті Александр Стубб 28–29 қазан күндері Астанаға ресми сапармен келеді, деп хабарлады сәрсенбі күні Қазақстан Президентінің баспасөз қызметі.
«28–29 қазан күндері Қазақстан Президенті Қасым-Жомарт Тоқаевтың шақыруымен Финляндия Республикасының Президенті Александр Стубб Астана қаласына ресми сапармен келеді», – делінген хабарламада.
Ақпаратқа сәйкес, сапар барысында мемлекет басшылары екіжақты ынтымақтастықтың даму перспективаларын, сондай-ақ жаһандық және өңірлік күн тәртібіндегі өзекті мәселелерді талқылайды.
