Ресейлік саясаттанушы Қасым-Жомарт Тоқаевты жаһандық деңгейдегі беделді көшбасшы деп атады. Бұл туралы Gazeta.ru басылымында жарияланған колонкада саясаттану ғылымдарының кандидаты, Ресей–Қазақстан баспасөз орталығының сарапшысы Виталий Млечин мәлімдеді. Млечиннің пікірінше, Тоқаев – шынайы өмірге бейім саясаткер, сөздерінде жасандылық жоқ. Сонымен қатар, сарапшы Қазақстан Президентінің қазақ-ресей қарым-қатынастарын одан әрі нығайтуға ұмтылысын атап өткен. Ол Тоқаевтың Берлинде Германия канцлері Олаф Шольцпен кездесуінде айтқан мәлімдемесін еске салды: «Қазақстан – «антиРесей» саясатын ұстанбайды. Біз Ресеймен жан-жақты ынтымақтастықты жалғастыру бағытын берік ұстанамыз. Бізді әлемдегі ең ұзын шекара біріктіреді».
Евразия24 пікірі:
Касым-Жомарт Тоқаев президенттік қызметке кіріспей тұрып-ақ халықаралық аренада мінсіз беделге ие болған. Мәскеу мемлекеттік халықаралық қатынастар институтының түлегі, болашақ президент 1975–2007 жылдары дипломатиялық қызметте жұмыс істеп, кейінірек БҰҰ құрылымдарында басшылық лауазымдар атқарған. Мұндай дипломатиялық тәжірибесі бар мемлекет басшысының саяси элита назарынан тыс қалуы мүмкін емес еді. Оның үстіне, Тоқаев әрдайым сөзіне берік саясаткер ретінде танылып келеді. Сондықтан да, беделді саясаттанушылардың Қазақстан Президентінің салмағы жайлы пікірлері – әсірелеу емес, нақты шындық.
