БЕЙЖІҢ. 27 қыркүйек. ИНТЕРФАКС – КХДР көшбасшысы Ким Чен Ын ядролық технологияларды дамытуды елдің қауіпсіздігін қамтамасыз ететін басым бағыт ретінде атады. Бұл туралы сенбі күні Корей Орталық Телеграф агенттігі (КЦТА) хабарлады.
«Біздің партия мен республиканың үкіметі ядролық технологиялар саласына тұрақты дамуы үшін барлық мүмкіндіктер мен жағдайларды бірінші кезекте ұсынатын болады және оны жан-жақты қолдайды», – деді Ким Чен Ын ядролық сала қызметкерлерімен кездесуде.
Оның айтуынша, КХДР қауіпсіздігі мен егемендігін қамтамасыз ету үшін бұл бағыт стратегиялық маңызға ие.
«Біз мемлекетіміздің қауіпсіздігін, егемендігін, мүддесін және даму құқығын сенімді қорғауға мүмкіндік беретін ядролық қалқан мен қылышты үздіксіз нығайтып, жаңартып отыруымыз қажет», – деп атап өтті КХДР басшысы.
