АСТАНА. 27 қыркүйек. ИНТЕРФАКС-ҚАЗАҚСТАН – Қазақстан Президенті Қасым-Жомарт Тоқаев Түрікменстан Президенті Сердар Бердімұхамедовке құттықтау жеделхатын жолдап, оны және бүкіл түрікмен халқын Тәуелсіздік күнімен құттықтады. Бұл туралы Мемлекет басшысының баспасөз қызметі хабарлады.
«Жеделхатта қазақ-түрікмен ынтымақтастығының жоғары қарқыны атап өтіліп, бұл қатынастардың бірлескен күш-жігердің нәтижесінде жаңа практикалық мазмұнмен толығып келе жатқаны және стратегиялық әріптестік рухына, екі халықтың мүдделеріне толық сай келетіні айтылған», – делінген хабарламада.
Президент Тоқаев мемлекеттер арасындағы жан-жақты қарым-қатынасты одан әрі нығайтуға ниетті екенін білдіре отырып, Сердар Бердімұхамедовке бауырлас Түрікменстанның игілігі мен өркендеуі жолындағы жауапты мемлекеттік қызметіне сәттілік тіледі.
