Токио. 30 маусым. ИНТЕРФАКС – Азия-Тынық мұхиты өңірінің қор нарықтары сейсенбі күнгі сауданы әртүрлі бағыттағы өзгерістермен аяқтады.
Жапонияның Nikkei 225 индексі 0,9%-ға көтерілді. Сәуір-маусым айлары аралығында индекс 37%-ға өсіп, 1965 жылы есептеле бастағаннан бергі ең жоғары тоқсандық өсімді көрсетті.
Сейсенбі күні технологиялық компаниялардың акциялары қымбаттады. Атап айтқанда, Screen Holdings – 6,2%-ға, Murata Manufacturing – 6,1%-ға, Kioxia – 1,4%-ға, Tokyo Electron – 3,3%-ға, Sumco Corp. – 5%-ға, Advantest – 1,2%-ға өсті.
Автокөлік өндірушілер арасында Toyota акциялары 1,7%-ға, Nissan 0,6%-ға арзандады. Ал Honda бағалы қағаздары 0,3%-ға қымбаттады.
Электроника өндірушілері NEC пен Konica Minolta акциялары тиісінше 3% және 2,3%-ға төмендеді. Fast Retailing қағаздары 1,9%-ға, бейнеойын әзірлеушілері Konami мен Bandai Namco акциялары сәйкесінше 1,5% және 1,3%-ға арзандады.
Қытайдың Shanghai Composite индексі 0,5%-ға көтерілсе, Гонконгтың Hang Seng индексі 0,6%-ға төмендеді. Маусым айында Hang Seng 9,1%-ға құлдырап, 2024 жылғы қаңтардан бергі ең үлкен айлық төмендеуді көрсетті. Ал екінші тоқсанда индекс 7,7%-ға азайды.
Қытайдың Мемлекеттік статистика басқармасының мәліметінше, маусымда өңдеу өнеркәсібіндегі сатып алу менеджерлері индексі (PMI) мамырдағы 50 пункттен 50,3 пунктке дейін өсті. Көрсеткіштің 50 пункттен жоғары болуы сектордағы іскерлік белсенділіктің артқанын, ал одан төмен болуы бәсеңдегенін білдіреді.
Hang Seng индексі құрамындағы компаниялар арасында ең көп төмендегендер – бөтелкедегі су өндіруші Nongfu Spring (-8,4%), алтын өндіруші Laopu Gold (-5,3%) және сүт өнімдерін шығаратын China Mengniu Dairy (-4,3%).
Сондай-ақ Budweiser Brewing Co. APAC Ltd акциялары 4,2%-ға, мұнай компаниялары CNOOC пен PetroChina қағаздары тиісінше 3,6% және 3,5%-ға, туристік Trip.com Group акциялары 3,6%-ға арзандады.
Ең жоғары өсімді Lenovo (+8,2%), чип өндіруші Semiconductor Manufacturing International Corp. (+5,4%), интернет-компаниялар Baidu (+5,1%) мен Tencent (+2,3%), сондай-ақ бейнеойын әзірлеуші NetEase (+1,5%) көрсетті.
Оңтүстік Кореяның Kospi индексі 1%-ға өсті. Екінші тоқсанда ол 68%-ға көтеріліп, 1998 жылдың төртінші тоқсанынан бергі ең жоғары өсімді тіркеді. Ал жыл басынан бері индекс 101%-ға артты.
Әлемдегі ірі чип және смартфон өндірушілердің бірі Samsung Electronics акциялары 3,4%-ға, тағы бір чип өндіруші SK Hynix 0,8%-ға, KB Financial Group қағаздары 3,5%-ға қымбаттады.
Сонымен қатар аккумулятор өндіруші LG Energy Solution акциялары 9,6%-ға, металлургиялық Posco – 4,8%-ға, түсті металл өндіруші Korea Zinc – 4%-ға, Hyundai Motor – 0,4%-ға төмендеді.
Австралияның S&P/ASX 200 индексі бір күнде 0,5%-ға төмендеді. Дегенмен екінші тоқсанда ол 3,5%-ға өсті.
Әлемдегі ірі тау-кен компаниялары BHP мен Rio Tinto-ның нарықтық құны тиісінше 0,7% және 0,9%-ға қысқарды.
