Астана. 22 сәуір. ИНТЕРФАКС-ҚАЗАҚСТАН – Аралды құтқару халықаралық қоры құрылтайшы мемлекеттердің басшылары 26 наурызды Арал теңізі мен Сырдария және Әмудария өзендерінің халықаралық күні деп жариялады. Бұл туралы Қазақстан Президентінің баспасөз қызметі хабарлады.
Баспасөз қызметінің мәліметінше, мұндай шешім сәрсенбі күні Астанада өткен қордың құрылтайшы мемлекеттері басшылары кеңесінің отырысы қорытындысы бойынша қабылданған.
Атап айтқанда, «26 наурызды Арал теңізі, Әмудария және Сырдария өзендерінің халықаралық күні деп жариялау туралы», сондай-ақ «Қазақстан Республикасының Аралды құтқару халықаралық қорындағы төрағалығының барысы туралы» шешімдерге қол қойылды.
Сонымен қатар «Аралды құтқару халықаралық қоры президентін сайлау туралы» шешім және қор құрылтайшы мемлекеттері басшыларының Астана декларациясы қабылданды.
