Гонконг. 11 қазан. ИНТЕРФАКС – Солтүстік Корея астанасы Пхеньянда сенбіге қараған түні елдің билеуші партиясы – Корея Еңбек партиясының 80 жылдығына арналған әскери шеру өтті, деп хабарлайды Қытай бұқаралық ақпарат құралдары.
Кейбір деректерге сәйкес, шеру барысында Hwasong-20 деп аталатын, елде әзірленген ең қуатты ядролық оқтұмсық тасымалдауға қабілетті алыс қашықтықтағы жаңа зымыран жұрт назарына ұсынылды.
Салтанатты шара трибунасында ҚХДР көшбасшысы Ким Чен Ынмен қатар, Ресей, Қытай және Вьетнам өкілдері де болды. Олардың қатарында – «Единая Россия» партиясының төрағасы, Ресей Қауіпсіздік кеңесі төрағасының орынбасары Дмитрий Медведев, Қытай Халық Республикасының Премьер-министрі Ли Цян және Вьетнам бұрынғы президенті То Лам бар.
Шеру аяқталған соң Пхеньянда ауқымды жарық шоуы ұйымдастырылды.
