АСТАНА. 1 тамыз. ИНТЕРФАКС-ҚАЗАҚСТАН – Қазақстан Республикасының Премьер-Министрінің орынбасары – Сыртқы істер министрі Мұрат Нұртілеу Қырғыз еліне ресми сапармен барды. Бұл туралы ҚР СІМ баспасөз қызметі хабарлады.
Сапар Қырғыз Республикасының шақыруымен жүзеге асуда.
Сапар аясында Қазақстан мен Қырғызстан арасындағы саяси, сауда-экономикалық және мәдени-гуманитарлық ынтымақтастықты кеңейту мәселелері талқыланбақ. Жоғары деңгейдегі келіссөздер барысында министр Мұрат Нұртілеу Қырғыз Республикасының Президенті Садыр Жапаровпен және Сыртқы істер министрі Жээнбек Кулубаевпен жүздеседі деп жоспарланып отыр.
