АСТАНА. 14 қазан. ИНТЕРФАКС-ҚАЗАҚСТАН – Қазақстан Президенті Қасым-Жомарт Тоқаев парламенттік реформаның түпкі мақсаты Сенатты тарату емес, бүкіл өкілді билік тармағын терең түрлендіру екенін мәлімдеді.
«Парламенттік реформаны Сенатты таратуға саяды деп біржақты пайымдау – мүлде негізсіз. Басты мақсатымыз – өкілді билік тармағын жан-жақты жаңғырту. Осылайша, заң шығару органы азаматтардың еркі мен мүддесін білдіретін институт ретінде өз рөлін толық атқара алады», – деді Мемлекет басшысы парламенттік реформалар жөніндегі жұмыс тобының алғашқы отырысында.
Президенттің айтуынша, бұл бастама бұған дейін жүзеге асқан реформалармен қатар, өңірде бұрын-соңды болмаған жаңа басқару үлгісін қалыптастырады.
