Трамп Ақ үйде Әзербайжан мен Армения арасындағы бейбітшілік келісіміне қол қою рәсімін жариялады
Вашингтон, 8 тамыз. ИНТЕРФАКС – АҚШ президенті Дональд Трамптың мәлімдеуінше, бейсенбі күні Ақ үйде Әзербайжан президенті Ильхам Әлиев пен Армения премьер-министрі Никол Пашинянның қатысуымен бейбітшілік саммиті өтеді.
«Президент Әлиев пен премьер-министр Пашинян Ақ үйде менімен бірге бейбітшілік келісіміне ресми қол қою рәсіміне қатысады», – деп жазды Трамп The Truth Social әлеуметтік желісінде.
Ол көптеген әлем көшбасшыларының «соғысты тоқтатуға талпынғанымен, бұл күнге дейін ешкімнің қолынан келмегенін» атап өтті.
Трамптың айтуынша, оның әкімшілігі екі тараппен де ұзақ уақыт бойы келіссөздер жүргізіп келген.
АҚШ басшысы Армения мен Әзербайжан арасындағы бейбітшілік келісімінен бөлек, АҚШ пен әрбір ел арасында екіжақты экономикалық келісімдерге қол қою жоспарланып отырғанын да хабарлады.
«Бұл – Армения, Әзербайжан, Америка Құрама Штаттары және бүкіл әлем үшін тарихи күн болмақ», – деді Трамп.
