Вашингтон. 30 шілде. ИНТЕРФАКС – АҚШ президенті Дональд Трамп Қытай Халық Республикасының төрағасы Си Цзиньпинмен өзара сапар алмасу мүмкіндігін растады. Оның айтуынша, тараптар алдағы кездесудің мерзімін келісу үстінде.
«Ол мені Қытайға шақырды, ал өзі АҚШ-қа келмек ниетте. Қазір тек нақты күндерді белгілеу керек», – деді Трамп Breitbart News порталына берген сұхбатында.
Мемлекет басшысының айтуынша, Қытайға сапар биылғы жылдың соңына дейін жүзеге асуы ықтимал.
Кейінірек Truth Social желісінде Трамп бұл келіссөздерге қатысты түсініктеме беріп, ҚХР төрағасынан шақыру түскен жағдайда ғана Қытайға баратынын атап өтті. «Егер шақыру болмаса – ешқандай қызығушылығым жоқ», – деді ол.
АҚШ пен Қытай арасындағы жоғары деңгейдегі байланыс жаһандық сауда, қауіпсіздік және технология салаларындағы диалогты жалғастыру тұрғысынан маңызды. Сарапшылардың пайымдауынша, алдағы кездесу екі ел арасындағы қарым-қатынастарды тұрақтандыруға септігін тигізуі мүмкін.
