Евразия24ЖаңалықтарВаршава Минскімен қарым-қатынасты жақсартуға дайын – Польша СІМ басшысы

Варшава Минскімен қарым-қатынасты жақсартуға дайын – Польша СІМ басшысы

|

|

Минск. 23 қыркүйек. ИНТЕРФАКС – Польша Сыртқы істер министрі Радослав Сикорский Нью-Йоркте Беларусь СІМ басшысы Максим Рыженковпен келіссөзден кейін Варшаваның Беларусьпен қарым-қатынасты жақсартуға дайын екенін мәлімдеді.

«Бұл – бір-біріміздің ұстанымымызды білуге арналған алғашқы кездесу. Дегенмен басқа министрліктердің өкілдері арасында және өзге деңгейлерде де кездесулер өтіп жатыр. Жақын арада Минскіде елшілігіміздің жаңа ғимаратын ашамыз. Көрші ел қарым-қатынасты қайта жандандырып, жақсартуға ниет білдірсе, Польша әрдайым келісімге келуге дайын», – деді Сикорский RMF24 радиостанциясына берген сұхбатында.

Беларусьпен қарым-қатынас қалыпқа келе бастады деуге бола ма деген сұраққа Польша СІМ басшысы: «Бұл – күн райы қолайлы болса, бүр жарып шығатын бәйшешек секілді», – деп жауап берді.

Сикорский бұл кездесудің өзін «бетбұрыс» деп атады.

«Екі ел арасында мұндай деңгейдегі байланыс, шамасы, 2016 жылдан бері болмаған», – деді ол.

«Қазір шекарадағы жағдай бұрынғыға қарағанда тұрақталды. Әрине, бұған кейінгі үкіметтердің шекара қоршауын күшейтуге қаржы бөлуі де ықпал етті. Сонымен қатар саяси тұтқындар, оның ішінде Анджей Почобут та босатылды», – деді Польша СІМ басшысы.

Оның айтуынша, осы өзгерістер екі көрші елге қарым-қатынасты тұрақтандыру бағытында нақты қадамдар жасауға көбірек мүмкіндік беріп отыр.

Бұған дейін Беларусь СІМ екі елдің сыртқы саясат ведомстволарының басшылары Нью-Йоркте БҰҰ Бас Ассамблеясының 81-сессиясы аясындағы жоғары деңгейлі сегментте кездескенін хабарлады.

Беларусь СІМ мәліметінше, Радослав Сикорскиймен кездесуде Беларусь пен Польша арасындағы қарым-қатынастың қазіргі жағдайы және оны екі ел халқының мүддесіне сай одан әрі дамыту жолдары талқыланды. Тараптар өңірдегі ахуал жөнінде де пікір алмасты.

Перепечатка и копирование материалов допускаются только с указанием ссылки на eurasia24.media

Бөлісу:

Читать далее:
Related

Тоқаев ауыл шаруашылығын қолжетімді шарттармен несиелеуге банктерді кеңінен тарту қажет деп санайды

Қазақстан Президенті Қасым-Жомарт Тоқаев Үкімет пен Ауыл шаруашылығы министрлігіне екінші деңгейлі банктердің аграрлық саланы қолжетімді шарттармен несиелеуге қатысуын кеңейту мәселесін шешуді тапсырды.

Қазақстан жасанды интеллектінің көмегімен әлемдік деңгейдегі азық-түлік өндіруші елге айналуы мүмкін – Тоқаев

Қазақстан Президенті Қасым-Жомарт Тоқаевтың пікірінше, ауыл шаруашылығына жасанды интеллект технологияларын енгізу саланың дамуына тың серпін беріп, еліміздің әлемдік деңгейдегі ірі азық-түлік өндіруші елге айналуына жол ашуы мүмкін.

Тоқаев бюджет қаражатын үнемдеу үшін аграрлық саладағы бағдарламаларды оңтайландыруды тапсырды

Қазақстан Президенті Қасым-Жомарт Тоқаев бюджет қаражатын үнемдеу мақсатында Үкіметке аграрлық саладағы бағдарламаларды жан-жақты талдауды тапсырды.

Қазақстанда жеңіл өнеркәсіпке салық жеңілдіктерін беру және проблемалық қарызы кешірілген азаматтарды жеке табыс салығынан босату жөніндегі өзгерістер мақұлданды

Қазақстанда Премьер-министрдің орынбасары – Ұлттық экономика министрі Серік Жұманғариннің төрағалығымен өткен Салық кодексін енгізу жөніндегі жобалық кеңсенің 30-шы отырысында салық заңнамасына қатысты екі түзету мақұлданды. Бұл туралы Үкіметтің баспасөз қызметі хабарлады.