Берлин. 18 шілде. ИНТЕРФАКС – Германия билігі ауыр қылмыс жасаған 81 ауған азаматын еліне депортациялады. Бұл туралы жұма күні Германия Ішкі істер министрлігі хабарлады.
«Бүгін таңертең Германия ұжымдық депортация аясында 81 ауған азаматын еліне жөнелтті», – делінген министрлік мәлімдемесінде.
Ақпаратқа сәйкес, депортацияланғандардың барлығы – бұрын қылмыстық жауапкершілікке тартылған ер адамдар.
Ұжымдық депортация Қатармен қауіпсіздік саласындағы стратегиялық әріптестік шеңберінде жүзеге асқан.
«Бұл – коалициялық келісім аясындағы көші-қон саясатының келесі кезеңі. Алдағы уақытта да депортация жалғасады. Германия өз аумағында ауыр қылмыс жасаған адамдарға тұру құқығын бермейді», – деді елдің ішкі істер министрі Александр Добриндт.
Неміс ақпарат құралдары бұл жаңа канцлер Фридрих Мерц үкіметі тұсындағы Ауғанстан азаматтарын елден шығару бойынша алғашқы оқиға екенін, сондай-ақ Талибан билікке келген 2021 жылдан бері екінші депортация екенін атап өтті.
