Минск. 8 тамыз. ИНТЕРФАКС – Еуразиялық экономикалық одақ пен Тунис арасындағы сауда-экономикалық ынтымақтастықты дамыту перспективалары Еуразиялық экономикалық комиссияның штаб-пәтерінде ЕЭК Сауда саясаты департаментінің директоры Владимир Серпиковтың төрағалығымен өткен семинарда талқыланды, деп хабарлады ЕЭК баспасөз қызметі.
«ЕАЭО елдерінің уәкілетті мемлекеттік органдары, бизнес-қоғамдастық және ғылыми орта өкілдері, атап айтқанда, мүше мемлекеттер экспорттаушыларының Тунис нарығына бірқатар нақты секторлар бойынша қолжеткізу ерекшеліктерін, сондай-ақ сауда кедергілерін жою мәселелерін қарастырды. Іс-шара барысында Тунис Африканың қарқынды дамып келе жатқан нарығына жеткізілімдерді ынталандыру тұрғысынан маңызды ойыншылардың бірі ретінде аталды», — делінген хабарламада.
«Қазіргі уақытта Комиссия ЕАЭО және оның мүше мемлекеттері мен Тунис Республикасы арасында еркін сауда туралы келісім жасасудың орындылығын зерделеуде», — деп қосты ЕЭК.
Серпиков атап өткендей, «өткен пікірталас ЕАЭО да, Тунис те ынтымақтастықты кеңейтуге сөзсіз өзара мүдделі екенін көрсетеді». «Тараптар өзара саудадағы кедергілерді айқындап, оларды жоюға бағыт ұстап отыр және тауар айналымының елеулі өсу әлеуетін көреді», — деді ол.
