Дели. 16 қазан. ИНТЕРФАКС – Үндістан билігі мұнай мен газды сатып алу жөніндегі шешімдерді қабылдауда үнді тұтынушыларының мүддесін қорғауға басымдық береді. Бұл туралы бейсенбі күні елдің Сыртқы істер министрлігінде белгілі болды.
«Энергетикалық жағдайдың тұрақсыз кезеңінде үндістандық тұтынушылардың мүддесін қорғау – әрдайым біздің негізгі басымдығымыз болып келеді. Импорт саясаты толығымен осы мақсатқа негізделген», – деді ведомство өкілі Рандхир Джайсвал.
Оның айтуынша, Үндістан үшін энергия тасымалдаушылар бағасының тұрақтылығы мен сенімді жеткізілімді қамтамасыз ету аса маңызды.
Бұған дейін АҚШ президенті Дональд Трамп Үндістан премьер-министрі Нарендра Модидің өзіне Ресейден мұнай сатып алуды тоқтатуға дайын екенін жеткізгенін айтқан еді. Трамптың пікірінше, «енді Қытай да дәл осындай қадамға баруы тиіс».
