Вашингтон. 1 желтоқсан. ИНТЕРФАКС – Walt Disney Co. (SPB: DIS) компаниясының «Зверополис» анимациялық фильмінің екінші бөлімі АҚШ-тағы Алғыс айту күніне байланысты бес күнге созылған демалыс күндері ішінде Солтүстік Америкадағы кинонарықтың көшбасшысына айналды.
АҚШ пен Канадада прокаттың алғашқы бес күнінде «Зверополис 2» 156 миллион доллар жинады. Бұл өткен жылы көрсетілген «Моана 2» фильмінен кейінгі екінші нәтиже. CNN мәліметінше, сол фильм дәл осындай кезеңде 225 миллион доллар табыс әкелген болатын.
Алайда ең үлкен табыс Қытай нарығынан түсті. Бұл елде алғашқы бөлім зор танымалдыққа ие болып, тіпті Шанхайдағы Disneyland саябағында арнайы тақырыптық аймақ ашылған. Artisan Gateway деректеріне сүйенсек, жұма, сенбі және жексенбі күндері Қытайда фильм 1,92 млрд юань (яғни 270,7 млн доллар) жинаған. Бұл шетелдік фильмдер арасында дебюттік уикенд бойынша «Кек алушылар: Финалдан» кейінгі екінші, ал барлық фильмдер ішінде алтыншы көрсеткіш болып отыр.
Әлемдік табысы 556 миллион долларды құрап, анимациялық фильмдер тарихындағы ең үздік старт көрсеткішіне жетті. Бұл – 2025 жылдың ең табысты дебюті және барлық уақыттағы төртінші көрсеткіш.
Сарапшылардың болжауынша, «Зверополис 2» әлемдік прокатта 1 миллиард доллар табыс табатынына сенімді, ал кейбірі 1,5 миллиард долларға дейін жетуі мүмкін деп отыр.
Ал өткен аптадағы көшбасшы – «Злая 2» мюзиклі – екінші орынға сырғыды. Ол бұл жолы 62,8 миллион доллар жинады. Осылайша, АҚШ пен Канададағы жиынтық табысы – 270,4 млн доллар, ал әлемдік табысы – 393 млн доллар болды.
