Астана. 1 желтоқсан. ИНТЕРФАКС-ҚАЗАҚСТАН – Қазақстан Республикасының Президенті Қасым-Жомарт Тоқаевтың Жарлығымен Мәдениет және ақпарат министрі Аида Ғалымқызы Балаева Премьер-Министрдің орынбасары – мәдениет және ақпарат министрі лауазымына тағайындалды. Бұл туралы Мемлекет басшысының баспасөз қызметі дүйсенбі күні хабарлады.
«Мемлекет басшысының Жарлығымен Аида Ғалымқызы Балаева Қазақстан Республикасының Премьер-Министрінің орынбасары – мәдениет және ақпарат министрі болып тағайындалды», – делінген ресми хабарламада.
51 жастағы Аида Балаева 2023 жылдан бері мәдениет және ақпарат министрлігін басқарып келеді. Бұған дейін әр жылдары Астана қаласы әкімінің орынбасары, Президенттің көмекшісі, ақпарат және қоғамдық даму министрі, сондай-ақ Президент Әкімшілігі басшысының орынбасары қызметтерін атқарған.
