Евразия24Не болдыШенеуніктің ұлына қатысты қылмыстық іс тоқтатылды

Шенеуніктің ұлына қатысты қылмыстық іс тоқтатылды

|

|

Әңгіме Түркістан облысы Арыс қаласының әкімі Қайсар Маңқараевтың ұлы Ердәулет Закиров туралы болып отыр. Ол 29 мамырда Астана – Павлодар тасжолында жол апатына түсіп, салдарынан жас жігіт екі аяғынан айырылды.

Зардап шеккен 21 жастағы Талғат Емел Астанадан Павлодарға таксимен бармақ болып, Ердәулет Закиров жүргізген көлікке отырған. Бұл туралы NewTimes.kz басылымы хабарлаған.

«Туыстарының айтуынша, ол тек соңғы бір жылдың ішінде жол қозғалысы ережесін бұзғаны үшін 29 рет жауапкершілікке тартылған. Соған қарамастан, жол апатынан кейін сот оны үйқамаққа жіберді», – деп жазды басылым.

Кейін журналистер әкімнің ұлының қатысуымен болған қайғылы оқиғаға қатысты Қайсар Маңқараевтың пікірін жариялады.

«Қайсар Маңқараев көлік тізгінінде ұлы болғанын растады. Сондай-ақ қызметтік өкілеттігін пайдаланып, тергеуге араласпайтынын мәлімдеді. Ұлының соңғы бір жылда жол қозғалысы ережесін 29 рет бұзғаны және сот алдында тіркеу мекенжайын Астанадан Екібастұзға ауыстырғаны туралы сұраққа әкім мұндай ақпараттан хабары жоқ екенін айтты», – деп жазды басылым.

Ал соңғы мәлімет бойынша, 16 қыркүйекте рақымшылық актісінің негізінде қылмыстық іс тоқтатылды.

Ал 21 жастағы Талғаттың жағдайы не болмақ? Ол әлі де ем қабылдап жатыр. Өкінішке қарай, ендігі операция оның жағдайын жеңілдеткенімен, екі аяғынан айырылған жас жігіттің бұрынғы өмірін қайтара алмайды. Жазықсыз жерден ауыр жағдайға тап болған жас жігіт өмір бойына мүгедек болып қалды. Ал әділет жүйесі, әрине, істің тоқтатылғаны туралы журналистер таратқан ақпарат рас болса, бұған дейін қылмыстық істің қозғалуын кінәлі тарап үшін жеткілікті жаза деп санаған сыңайлы.

Әкім ұлының өмірбаянында, шамасы, сотталғаны туралы белгі де қалмайды. Яғни әрі қарай ештеңе болмағандай өмір сүре беруге болады.

Осының аясында Мәжілістің бұрынғы депутаты Бақытжан Базарбектің қатысуымен болған ұқсас жағдай мүлде басқаша көрінеді. Ол тамыз айында тасжолда адамды қағып кеткен. Содан бері зардап шеккен азаматтың емделуіне қолдан келгенше көмектесіп келеді әрі әлі күнге дейін қылмыстық іс бойынша жауапқа тартылған тұлға ретінде қарастырылып отыр.

Ең бастысы, Базарбек қатысқан жол апатынан зардап шеккен азамат аяғынан айырылған жоқ. 17 қыркүйекте ол ауруханадан да шығарылды.

Осыдан келіп моральдық әрі құқықтық тұрғыдан күрделі қайшылық туындайды. Бір жүргізуші жол ережесін бірнеше рет бұзғанына қарамастан, жолаушының мүгедектер арбасына таңылуына себеп болып, ақырында ешқандай құқықтық жауапкершілікке тартылмайды. Ал екіншісі азаматтық жауапкершілік танытып, жол апатынан зардап шеккен адамға көмектесіп келеді, оның тартқан зардабының орнын толтыруға да дайын, бірақ өзі сот шешімін күтіп отыр.

Бұл екі жағдайдың арасындағы айырмашылық тым айқын. Оның үстіне мұндай нәтижеге адамдардың әрекеті емес, рақымшылық туралы заңның қабылданған мерзімі себеп болып отыр. Яғни адамгершілік те, кінәні мойындау да, өкініш білдіру де, жасаған ісінің салдарын өтеуге ұмтылу да емес, заңдағы бір ерекшелік шешуші рөл атқарған.

 

Перепечатка и копирование материалов допускаются только с указанием ссылки на eurasia24.media

Бөлісу:

Читать далее:
Related

Тоқаев ауыл шаруашылығын қолжетімді шарттармен несиелеуге банктерді кеңінен тарту қажет деп санайды

Қазақстан Президенті Қасым-Жомарт Тоқаев Үкімет пен Ауыл шаруашылығы министрлігіне екінші деңгейлі банктердің аграрлық саланы қолжетімді шарттармен несиелеуге қатысуын кеңейту мәселесін шешуді тапсырды.

Қазақстан жасанды интеллектінің көмегімен әлемдік деңгейдегі азық-түлік өндіруші елге айналуы мүмкін – Тоқаев

Қазақстан Президенті Қасым-Жомарт Тоқаевтың пікірінше, ауыл шаруашылығына жасанды интеллект технологияларын енгізу саланың дамуына тың серпін беріп, еліміздің әлемдік деңгейдегі ірі азық-түлік өндіруші елге айналуына жол ашуы мүмкін.

Тоқаев бюджет қаражатын үнемдеу үшін аграрлық саладағы бағдарламаларды оңтайландыруды тапсырды

Қазақстан Президенті Қасым-Жомарт Тоқаев бюджет қаражатын үнемдеу мақсатында Үкіметке аграрлық саладағы бағдарламаларды жан-жақты талдауды тапсырды.

Қазақстанда жеңіл өнеркәсіпке салық жеңілдіктерін беру және проблемалық қарызы кешірілген азаматтарды жеке табыс салығынан босату жөніндегі өзгерістер мақұлданды

Қазақстанда Премьер-министрдің орынбасары – Ұлттық экономика министрі Серік Жұманғариннің төрағалығымен өткен Салық кодексін енгізу жөніндегі жобалық кеңсенің 30-шы отырысында салық заңнамасына қатысты екі түзету мақұлданды. Бұл туралы Үкіметтің баспасөз қызметі хабарлады.