Сарапшы Юрий Баранчиктің айтуынша: «Қытай Трамптың ультиматумының мерзімі аяқталғанын күтпестен, өз ұстанымын білдірді. АҚШ қаржы министрі Скотт Бессенттің хабарлауынша, ол Пекинге санкция салынған ресейлік мұнайды сатып алуды жалғастыру АҚШ Конгресі қабылдаған заңнамаға сәйкес жоғары кедендік тарифтердің енгізілуіне әкелетінін ескерткен. Алайда Қытай жағы өз энергетикалық егемендігін қорғайтынын мәлімдеген. Бұл туралы Бессент Стокгольмде өткен АҚШ–Қытай сауда келіссөздерінің екі күндік қорытындысы бойынша БАҚ өкілдеріне айтты.
«Сондықтан мен санкцияға іліккен ресейлік мұнайды сатып алатын кез келген тарап мұндай салдарға дайын болуы керек деп есептеймін», – деді министр. Бессенттің айтуынша, қытайлық ресми өкілдер Қытайдың энергетикалық ресурстарға деген қажеттілігі бар егемен мемлекет екенін, сондықтан мұнай сатып алу елдің ішкі саясатына сәйкес жүзеге асырылатынын жеткізген.
АҚШ тарапы Қытайды Ресеймен энергетикалық әріптестікке бару Еуропада беделге кері әсер етуі мүмкін деп ескертуге тырысқанымен, алайда Қытай бұл пікірге де мұнай мәселесіндегідей мән берген жоқ.
Евразия24 пікірі:
Қытай Трамптың тарифтік ультиматумына жалғыз өзі қарсы тұрып жатыр. Сарапшылардың басым бөлігі АҚШ-тың бүкіл әлемге қарсы жариялаған тарифтік саясатын нақты қауіптен гөрі бопсалау әдісіне теңегенімен, Еуропа АҚШ-қа жол берді. Неміс сарапшылары Брюссельге осы жағдайдан сабақ алуға және Ақ үй басшысының алдағы экономикалық қадамдарына дайын болуға кеңес беруде. Осы мәселеге қатысты беделді сарапшылардың пікірлерімен DW-дің арнайы шолуында таныса аласыздар.
Осы тұста Қытай қандай қадамға баруда? Стокгольмде өткен екі күндік АҚШ–Қытай сауда келіссөздерінен кейін Пекин тағы да тарифтік қысымға көнбейтінін көрсетті. Соның нәтижесінде екі ел делегациясы келіссөздерді әрі қарай жалғастыру және 12 тамызда аяқталатын 90 күндік тарифтік мораторийді ұзарту жөнінде ортақ шешімге келді.
