Вашингтон. 30 шілде. ИНТЕРФАКС – АҚШ-тың Ұлттық мұхиттық және атмосфералық зерттеулер басқармасы (NOAA) Папуа – Жаңа Гвинея, Соломон аралдары және Вануату жағалауларында цунами қаупі барын мәлімдеді, деп хабарлайды CNN.
«NOAA бүгін Папуа – Жаңа Гвинея, Соломон аралдары мен Вануату үшін цунами қаупі туралы ескерту жасады», – деп хабарлайды арна.
Папуа – Жаңа Гвинеядағы АҚШ елшілігі осы аймақтағы америкалық азаматтарды жер сілкінісі сезілген жағдайда бірден биік аймақтарға көшуге дайын болуға шақырды. «Қосымша нұсқаулық берілгенге дейін теңіз жағалаулары, жағажайлар мен өзен маңынан аулақ болыңыздар», – делінген елшіліктің ескертуінде.
Сондай-ақ, АҚШ дипломатиялық миссиясы төтенше жағдай туындаған жағдайда қажет болатын ауызсу, азық-түлік, дәрі-дәрмек сынды қорларды алдын ала дайындауға кеңес берді.
Камчаткадағы Ресей ғылым академиясының Біріккен геофизикалық қызметінің филиалы Telegram-арнасында 29 шілде күні сағат 11:24-те (Мәскеу уақытымен 02:24) Камчатка жағалауынан 161 шақырым шығысқа қарай, 32 шақырым тереңдікте 7,5 магнитудалы жер сілкінісі тіркелгенін хабарлады.
Жапония сарапшылары бұл жер селкінісінің қуаты 8,0 магнитуда деп бағаласа, АҚШ Геологиялық қызметі жер сілкінісі магнитудасын 8,8 деп көрсеткен.
