ВАШИНГТОН. 31 шілде. ИНТЕРФАКС – SpaceX компаниясының қайта пайдалануға арналған Crew Dragon ғарыш кемесі құрамында “Роскосмос” ғарышкері Олег Платонов бар экипажбен бірге бейсенбі күні Халықаралық ғарыш станциясына (ХҒС) ұшады. Бұл жөнінде АҚШ-тың ғарыш агенттігі NASA хабарлады.
Crew-11 миссиясы аясында ғарыш сапарына Олег Платоновпен қатар АҚШ астронавттары Майкл Финк пен Зена Кардман және Жапонияның аэроғарыштық зерттеулер агенттігі (JAXA) атынан Кимия Юи қатысады.
Ғарыш кемесі Falcon 9 зымыран-тасығышының көмегімен Флорида штатындағы Канавералда орналасқан Кеннеди ғарыш орталығының 39А ұшыру алаңынан жергілікті уақыт бойынша 12:09-да (Астана уақытымен 22:09) ұшырылмақ.
Бұл миссия “Роскосмос” пен NASA арасындағы кросс-борттық ұшулар туралы келісім аясында жүзеге асырылуда.
Қазіргі уақытта ХҒС бортында жеті адамнан тұратын экипаж жұмыс істеуде. Олардың қатарында “Роскосмос” ғарышкерлері – Сергей Рыжиков, Алексей Зубрицкий және Кирилл Песков, NASA астронавттары – Энн Макклейн, Николь Айерс пен Джонатан Ким, сондай-ақ Жапония астронавты Такуя Ониси бар.
