Евразия24ЖаңалықтарДемократ сенатор Конгрестің келісімінсіз Оманға соққы жасауға тыйым салуды ұсынбақ

Демократ сенатор Конгрестің келісімінсіз Оманға соққы жасауға тыйым салуды ұсынбақ

|

|

Вашингтон. 18 тамыз. ИНТЕРФАКС – Демократ сенатор Тим Кейн АҚШ президенті Дональд Трамптың Оманға қатысты қоқан-лоққысын тоқтату үшін Сенат қарауына әскери өкілеттіктер туралы қарар енгізетінін мәлімдеді.

«Тамыздағы демалыстан оралған бойда Оманға қарсы әскери іс-қимыл жүргізуге тыйым салатын қарар ұсынамын. Кейбір республикашыл әріптестерім демократтарға қосылып, билікке мастанған президенттің АҚШ пен бүкіл әлемге бұдан да көп зиян келтіруіне жол бермейді деп үміттенемін», – деп Кейн сайтында жарияланған мәлімдемеде көрсетілген.

Оның айтуынша, Трамптың АҚШ-пен берік дипломатиялық байланысы және еркін сауда туралы келісімі бар Оманға қарсы елдің азайып бара жатқан қару-жарақ қорын пайдаланамыз деп қоқан-лоқы көрсетуі Қытай мен Ресей секілді «нақты қарсыластардың» ғана көңілінен шығуы мүмкін.

Кейннің пікірінше, Трамп «әлемнің әр түкпірінде соғыс ашып, өзге елдерге қысым көрсетуге бағытталған жеке саясатын жүргізе отырып, шынайы жағдайдан барған сайын алшақтап барады».

«Оның соғыстары заңсыз, өйткені Конгресс оларды мақұлдаған жоқ. Соған қарамастан ол әскери қақтығыстарды жалғастырып келеді. Мұның салдарынан әскерилеріміз арасында орасан шығын болып, (…) оқ-дәрі қорымыз азайып, әлемдегі одақтастарымызбен қарым-қатынасымыз әлсіреп жатыр», – деді Кейн.

Бұған дейін АҚШ президенті Оман Иранмен Ормуз бұғазын бақылау жөніндегі келіссөздерді жалғастырса, бұл елге соққы жасайтынын мәлімдеген.

«Егер Оман осы бағытынан қайтпаса, оны бомбаның астына аламыз», – деп келтірді дүйсенбі күні Fox News журналисі Трей Йингст Трамптың сөзін X әлеуметтік желісінде.

Бұған дейін Иран мен Оманның Ормуз бұғазын бірлесіп бақылау мәселесі бойынша келіссөз жүргізіп жатқаны хабарланған.

Перепечатка и копирование материалов допускаются только с указанием ссылки на eurasia24.media

Бөлісу:

Читать далее:
Related

Тоқаев ауыл шаруашылығын қолжетімді шарттармен несиелеуге банктерді кеңінен тарту қажет деп санайды

Қазақстан Президенті Қасым-Жомарт Тоқаев Үкімет пен Ауыл шаруашылығы министрлігіне екінші деңгейлі банктердің аграрлық саланы қолжетімді шарттармен несиелеуге қатысуын кеңейту мәселесін шешуді тапсырды.

Қазақстан жасанды интеллектінің көмегімен әлемдік деңгейдегі азық-түлік өндіруші елге айналуы мүмкін – Тоқаев

Қазақстан Президенті Қасым-Жомарт Тоқаевтың пікірінше, ауыл шаруашылығына жасанды интеллект технологияларын енгізу саланың дамуына тың серпін беріп, еліміздің әлемдік деңгейдегі ірі азық-түлік өндіруші елге айналуына жол ашуы мүмкін.

Тоқаев бюджет қаражатын үнемдеу үшін аграрлық саладағы бағдарламаларды оңтайландыруды тапсырды

Қазақстан Президенті Қасым-Жомарт Тоқаев бюджет қаражатын үнемдеу мақсатында Үкіметке аграрлық саладағы бағдарламаларды жан-жақты талдауды тапсырды.

Қазақстанда жеңіл өнеркәсіпке салық жеңілдіктерін беру және проблемалық қарызы кешірілген азаматтарды жеке табыс салығынан босату жөніндегі өзгерістер мақұлданды

Қазақстанда Премьер-министрдің орынбасары – Ұлттық экономика министрі Серік Жұманғариннің төрағалығымен өткен Салық кодексін енгізу жөніндегі жобалық кеңсенің 30-шы отырысында салық заңнамасына қатысты екі түзету мақұлданды. Бұл туралы Үкіметтің баспасөз қызметі хабарлады.