ГОНКОНГ. 11 тамыз. ИНТЕРФАКС. Пхеньян АҚШ пен Оңтүстік Корея өткізуді жоспарлап отырған бірлескен әскери оқу-жаттығуларды айыптап, оның теріс салдары туралы ескертті. Бұл туралы КХДР қорғаныс министрі Но Гван Чхор мәлімдеді.
«АҚШ пен Корея Республикасының КХДР-ға қарсы әскери текетіреске негізделген ұстанымын ашық көрсеткен арандатушылық әрекеттерін біз қатаң айыптаймыз және олардың бұл қадамдары Корей түбегі мен өңірдегі қауіпсіздік ахуалына елеулі қатер төндіретінін ескерте отырып, ықтимал теріс салдар туралы қатаң ескертеміз», – делінген министрдің ЦТАК-та жарияланған мәлімдемесінде.
Пхеньян жоспарланған оқу-жаттығуларды өзіне қарсы «тікелей әскери арандату» әрі Корей түбегіндегі жағдайдың құбылмалылығын күшейтетін «қатер» деп сипаттады.
Солтүстік Кореяда жоспарланып отырған оқу-жаттығуларды Пхеньянға қарсы «тікелей әскери арандату» және Корей түбегіндегі жағдайдың құбылмалылығын күшейтетін «қатер» деп атады.
«Біздің қарулы күштер АҚШ пен Корея Республикасының оқу-жаттығуларына дәйекті де қатаң жауап беруге әзір. Кез келген арандатушылыққа егемендік құқығы аясында, өзін-өзі қорғау құқығын толық көлемде пайдалана отырып әрекет етеміз», – делінген КХДР мәлімдемесінде.
Оңтүстік Корея мен АҚШ 18–28 тамыз аралығында ауқымды Ulchi Freedom Shield 25 (UFS) оқу-жаттығуларын өткізуді жоспарлап отыр.
«Ренхап» агенттігінің дерегінше, жоспарланған 40 далалық жаттығудың шамамен 20-сы қыркүйекке шегерілмек.
