ВАШИНГТОН. 11 тамыз. ИНТЕРФАКС. АҚШ сенаторы-республикашыл Линдси Грэм (Ресейде террористер мен экстремистер тізіміне енгізілген) Украинадағы дағдарысты реттеу үшін Ресей мұнайын сатып алушы мемлекеттерге екінші деңгейлі санкциялармен қысым жасауды жалғастыру қажет деп санайды.
Сенатордың пікірінше, Ресей президенті Владимир Путин «Ресейдің серіктестеріне санкция салынуын қабылдай алмайды».
«Ол санкциялардың өзіне мән бермейді, оларды айналып өтуге тырысады (…). Бірақ оның сауда әріптестерін қудалауымызбен келісе алмайды», – деді Грэм NBC News арнасына берген сұхбатында.
Оның айтуынша, АҚШ-тың мақсаты – «оның клиенттерін – Үндістанды, Қытайды және Бразилияны – әлсірету».
Сенатор сондай-ақ Ресей мұнайын сатып алуды және «оның әскери әлеуетін қолдауды» жалғастыратын елдерге америкалық экономикаға қолжетімділіктің жабылатынын атап өтті.
Сондай-ақ 15 тамызға жоспарланған АҚШ және Ресей президенттерінің кездесуін меңзей отырып: “бұл – жаңа стратегия. Егер келіссөздер сәтті аяқталмаса, Путин серіктестерін қудалауды жалғастыруға Трамп толық келіседі», – деді.
