Токио. 28 қыркүйек. ИНТЕРФАКС – Азия-Тынық мұхиты өңірінің қор индекстері жаңа аптаның алғашқы саудасында әртүрлі бағытта өзгеріп жатыр.
Мәскеу уақытымен сағат 8:34-те жапониялық Nikkei 225 индексі 0,2%-ға төмендеді. Бұған дейін индекс бес сауда сессиясы қатарынан өскен еді.
Kioxia чип өндірушісінің акциялары 2,8%-ға, жартылай өткізгіштер саласына арналған компоненттер шығаратын Sumco Corp. акциялары 3,1%-ға арзандады. Fast Retailing пен Seven & I Holdings сауда желілері иелерінің акциялары тиісінше 0,8% және 0,6%-ға, электроника өндіруші Sony акциялары 0,5%-ға төмендеді.
Ал инвестициялық-технологиялық SoftBank Group акциялары 1,7%-ға, чиптерді сынауға арналған жабдық өндіруші Advantest акциялары 0,7%-ға, чип өндірісіне арналған жабдық шығаратын Tokyo Electron акциялары 1,1%-ға қымбаттады. Shiseido косметикалық компаниясының акциялары 1%-ға, Mercari маркетплейсінің акциялары 0,8%-ға өсті.
Қаржы секторындағы компаниялардың да акциялары қымбаттады. Mizuho Financial Group акциялары 2,1%-ға, Sumitomo Mitsui Financial Group – 1,4%-ға, Dai-ichi Life Group – 1,9%-ға өсті.
Toyota мен Nissan автоконцерндерінің акциялары тиісінше 0,5% және 0,6%-ға қымбаттаса, Honda акциялары 0,2%-ға арзандады.
Мәскеу уақытымен сағат 8:35-те Қытайдың Shanghai Composite индексі 1,9%-ға төмендеді, ал Гонконгтың Hang Seng индексі 0,7%-ға өсті.
Hang Seng құрамында видеойын әзірлеуші Netease Inc. акциялары ең жоғары өсім көрсетіп, 4,2%-ға қымбаттады.
PetroChina Co. және CNOOC мұнай компанияларының акциялары тиісінше 3,9% және 1,7%-ға, сүт өнімдерін өндіретін China Mengniu Dairy акциялары 2,6%-ға өсті. Geely мен Li Auto автокомпанияларының акциялары тиісінше 2,4% және 1,5%-ға қымбаттады.
Ал Lenovo акциялары 4,3%-ға, Hua Hong Grace Semiconductor және Semiconductor Manufacturing International Corp. чип өндірушілерінің акциялары тиісінше 4,4% және 3,7%-ға арзандады. Түсті және бағалы металдар өндіретін Laopu Gold, Zijin Mining және CMOC компанияларының акциялары тиісінше 3,1%, 2,8% және 1,6%-ға, Alibaba интернет-ритейлерінің акциялары 1,5%-ға төмендеді.
Мәскеу уақытымен сағат 8:29-да Оңтүстік Кореяның Kospi индексі 2,3%-ға құлдырады.
Әлемдегі ең ірі чип және смартфон өндірушілердің бірі Samsung Electronics акциялары 4,2%-ға, SK Hynix акциялары 4%-ға, түсті металл өндіруші Korea Zinc акциялары 1,2%-ға арзандады.
Бұл ретте Posco болат өндірушісінің акциялары 1,6%-ға, KB Financial Group акциялары 0,5%-ға, Hyundai Motor акциялары 0,7%-ға, аккумулятор өндіруші LG Energy Solution акциялары 3,3%-ға қымбаттады.
Австралияның S&P/ASX 200 индексі 0,2%-ға өсті.
Елдің ірі банктерінің акциялары да қымбаттап жатыр. ANZ акциялары 1,7%-ға, Commonwealth Bank of Australia – 0,8%-ға, National Australia Bank – 1,6%-ға, Westpac Banking – 1,5%-ға, Suncorp – 2,7%-ға, Macquarie – 2,1%-ға өсті.
Santos және Woodside Energy мұнай компанияларының акциялары тиісінше 0,8% және 0,7%-ға қымбаттады.
Ал әлемдегі ірі тау-кен компаниялары BHP мен Rio Tinto-ның нарықтық құны тиісінше 1,2% және 1,1%-ға төмендеді.
Уран өндіруші компаниялардың акциялары да арзандады. Boss Energy акциялары 0,3%-ға, Paladin Energy – 0,9%-ға, Deep Yellow – 3,6%-ға төмендеді.
