АСТАНА. 6 қаңтар. ИНТЕРФАКС-ҚАЗАҚСТАН – Қазақстан президенті Қасым-Жомарт Тоқаев 2026 жылды Цифрландыру және жасанды интеллект жылы деп жариялады. Тиісті жарлыққа Мемлекет басшысы 6 қаңтарда қол қойды. Құжат Президенттің ресми сайтында жарияланып, қол қойылған күнінен бастап күшіне енді.
«Цифрландыруды одан әрі дамыту және жасанды интеллектіні кеңінен енгізу мақсатында қаулы етемін: 1. 2026 жыл Цифрландыру және жасанды интеллект жылы болып жариялансын», – делінген жарлықта.
Осы жарлықпен Қазақстан Республикасының Үкіметіне Цифрландыру және жасанды интеллект жылын өткізу жөнінде қажетті шаралар қабылдау тапсырылды. Жарлықтың орындалуын бақылау Президент Әкімшілігіне жүктелді.
