Рим. 4 қаңтар. ИНТЕРФАКС – Рим Папасы Лев XIV жексенбі күні Ватикандағы Әулие Петр алаңында сөйлеген сөзінде Венесуэладағы жағдайды тұрақтандыру және ел халқының әл-ауқатын жақсарту үшін халықаралық қауымдастықты бірлесіп әрекет етуге шақырды. Бұл туралы Vatican News хабарлады.
«Венесуэла халқының игілігі кез келген басқа мүддеден жоғары тұруы тиіс. Бұл бізге зорлық-зомбылықты тоқтатуға, әділет пен бейбітшілік жолын таңдауға, мемлекеттің егемендігін қорғауға, ел Конституциясында бекітілген құқықтық тәртіпті қамтамасыз етуге көмектесуі керек», – деді понтифик.
Папа елде қалыптасқан жағдайға алаңдаушылық білдіріп, азаматтардың, әсіресе экономикалық қиындықтарға тап болған осал топтардың құқықтарын қорғаудың маңыздылығын атап өтті. Ол тұрақты әрі үйлесімді болашақ құру жолында ынтымақтастыққа шақырып, Венесуэла халқының амандығы үшін дұға етуге үндеді.
Еске сала кетейік, бір күн бұрын АҚШ арнайы жасағы Каракаста Венесуэла президенті Николас Мадуроны тұтқындап, кейін оны АҚШ-қа жеткізген. Онда оған есірткі саудасына қатысы бар деген айып тағылмақ.
Бұған дейін АҚШ президенті Дональд Трамп Вашингтон Венесуэлада билік бейбіт түрде ауысқанға дейін бұл елдің басқаруын өз қолына алатынын мәлімдеген болатын.
