Евразия24ЖаңалықтарТоқаев этномәдени бірлестіктерге қолдау жалғасатынын айтты

Тоқаев этномәдени бірлестіктерге қолдау жалғасатынын айтты

|

|

Астана. 24 қыркүйек. ИНТЕРФАКС-ҚАЗАҚСТАН – Қазақстанда этномәдени ұйымдардың қызметіне қолдау көрсетіле береді, ал Қазақстан халқы Ассамблеясының (ҚХА) қалыптастырған тәжірибесі Халық кеңесінің жұмысында пайдаланылады. Бұл туралы Президент Қасым-Жомарт Тоқаев мәлімдеді.

«Қазақстан халқының бірлігін нығайту – айрықша маңызды мәселе. Сондықтан Халық кеңесі Қазақстан халқы Ассамблеясы мен Ұлттық құрылтайдың сабақтастығын, дәстүрлері мен озық тәжірибесін сақтауы керек. (…) Біз этномәдени орталықтарды, театрлар мен бұқаралық ақпарат құралдарын жан-жақты қолдай береміз. Бұл – мемлекеттің конституциялық міндеті», – деді Тоқаев бейсенбі күні Астанада өткен Халық кеңесінің алғашқы сессиясында.

Мемлекет басшысы ҚХА таратылғаннан кейін этномәдени бірлестіктерде бірқатар мәселе туындағанынан хабардар екенін айтты.

«ҚХА өз жұмысын аяқтады. Бірақ бұл оның қалыптастырған пайдалы институционалдық жүйесі енді қажет болмайды деген сөз емес. Сіздерді сендіргім келеді: Ассамблеяның бірегей тәжірибесі өз маңызын жоғалтқан жоқ және ұмыт қалмайды. Ол Халық кеңесінің жұмысында қолданылады», – деді Президент.

Тоқаевтың айтуынша, Қазақстандағы этносаралық келісім мен жалпыұлттық бірлік үлгісі алдағы уақытта да елдің орнықты дамуына негіз болады. Сонымен қатар ҚХА атқарған жұмыстың маңызы одан әрі арта түседі.

Президент қазіргі кезеңде ортақ мәдени мұраны сақтау мәселесіне ерекше мән беру қажет екенін атап өтті.

«Мұндай мұра мемлекеттік шекарамен шектелмеуге тиіс», – деді Мемлекет басшысы.

Халық кеңесінің құрамында этномәдени бірлестіктердің 42 өкілі бар. Бұл – Кеңес мүшелерінің үштен бірі.

«Бұл ҚХА атқарған миссияның Қазақстанның орнықты әрі табысты дамуы үшін қаншалықты маңызды екенін айқын көрсетеді», – деді Тоқаев.

Мемлекет басшысы Халық кеңесі Бірлік пен келісімнің жаңа тұжырымдамасын әзірлейтін орталыққа айнала алатынын да айтты.

Перепечатка и копирование материалов допускаются только с указанием ссылки на eurasia24.media

Бөлісу:

Читать далее:
Related

Тоқаев ауыл шаруашылығын қолжетімді шарттармен несиелеуге банктерді кеңінен тарту қажет деп санайды

Қазақстан Президенті Қасым-Жомарт Тоқаев Үкімет пен Ауыл шаруашылығы министрлігіне екінші деңгейлі банктердің аграрлық саланы қолжетімді шарттармен несиелеуге қатысуын кеңейту мәселесін шешуді тапсырды.

Қазақстан жасанды интеллектінің көмегімен әлемдік деңгейдегі азық-түлік өндіруші елге айналуы мүмкін – Тоқаев

Қазақстан Президенті Қасым-Жомарт Тоқаевтың пікірінше, ауыл шаруашылығына жасанды интеллект технологияларын енгізу саланың дамуына тың серпін беріп, еліміздің әлемдік деңгейдегі ірі азық-түлік өндіруші елге айналуына жол ашуы мүмкін.

Тоқаев бюджет қаражатын үнемдеу үшін аграрлық саладағы бағдарламаларды оңтайландыруды тапсырды

Қазақстан Президенті Қасым-Жомарт Тоқаев бюджет қаражатын үнемдеу мақсатында Үкіметке аграрлық саладағы бағдарламаларды жан-жақты талдауды тапсырды.

Қазақстанда жеңіл өнеркәсіпке салық жеңілдіктерін беру және проблемалық қарызы кешірілген азаматтарды жеке табыс салығынан босату жөніндегі өзгерістер мақұлданды

Қазақстанда Премьер-министрдің орынбасары – Ұлттық экономика министрі Серік Жұманғариннің төрағалығымен өткен Салық кодексін енгізу жөніндегі жобалық кеңсенің 30-шы отырысында салық заңнамасына қатысты екі түзету мақұлданды. Бұл туралы Үкіметтің баспасөз қызметі хабарлады.