Астана. 14 шілде. ИНТЕРФАКС-ҚАЗАҚСТАН – Қазақстан президенті Қасым-Жомарт Тоқаев Францияның ұлттық мерекесі – Бастилияны алу күніне орай Франция президенті Эммануэль Макронның атына құттықтау жеделхатын жолдады, деп хабарлайды мемлекет басшысының баспасөз қызметі.
Жеделхатта Тоқаев Францияны саяси, әлеуметтік-экономикалық және мәдени-гуманитарлық салаларда елеулі жетістіктерге жеткен, халықаралық қауымдастықта беделді орын алған мемлекет ретінде атап өтті. Мемлекет басшысы француз халқына өркендеу мен игілік тіледі.
Сонымен қатар Қазақстан президенті қазақ-француз қарым-қатынасының стратегиялық сипатын атап өтіп, екіжақты ынтымақтастықты дамытуға қосқан Эммануэль Макронның жеке үлесін жоғары бағалады, делінген хабарламада.
