Астана. 14 қараша. ИНТЕРФАКС-ҚАЗАҚСТАН – Қазақстан президенті Қасым-Жомарт Тоқаевтың мәліметінше, соңғы он жыл ішінде еліміздің ауыл шаруашылығы өнімінің жалпы көлемі 3,3 трлн теңгеден 8,3 трлн теңгеге дейін өсіп, 2,5 еседен астам артқан.
«Соңғы онжылдықта ауыл шаруашылығы өнімінің жалпы көлемі 2,5 еседен астам өсіп, 3,3 трлн теңгеден 8,3 трлн теңгеге жетті. 2030 жылға дейін бұл көрсеткішті тағы екі есеге ұлғайтуымыз қажет. Бұл – қолымыздан келетін міндет», – деді Тоқаев ауыл шаруашылығы қызметкерлерінің форумында.
Мемлекет басшысы атап өткендей, агроөнеркәсіптік кешен қарқынды дамып келеді: жыл басынан бері негізгі капиталға салынған инвестиция көлемі 20%-дан аса өсіп, 790 млрд теңгеге жеткен. Соңғы үш жылда еңбек өнімділігі 37,3%-ға артқан.
«Қазақстан азық-түлік қауіпсіздігі бойынша жаһандық рейтингте 32-орында. Бұл – жаман көрсеткіш емес, дегенмен, бұл салада тоқмейілсуге болмайды. Ашық айтайық, ауыл шаруашылығының зор әлеуеті толық пайдаланылмай отыр. Қазақстан жайылымдық жер көлемі бойынша әлемде алтыншы, ал егістік жер көлемі бойынша сегізінші орында. Демек, бізде барлық қажетті ресурс бар – тек оны тиімді пайдалану қажет», – деді президент.
