Евразия24Таңдаулы жаңалықтарЖасөспірімдерге арналған ChatGPT: жасанды интеллектінің жаңа мүмкіндігі

Жасөспірімдерге арналған ChatGPT: жасанды интеллектінің жаңа мүмкіндігі

|

|

Nege.kz хабарлайды: «OpenAI 13 пен 17 жас аралығындағы жасөспірімдерге арналған ChatGPT for Teens нұсқасын таныстырды. Жаңа режимде суицид, өзіне зиян келтіру, сексуалдық және романтикалық сипаттағы тақырыптарға қатысты шектеулер күшейтілген. Сондай-ақ чат-бот жасөспірімге өзін сезімі мен санасы бар немесе пайдаланушыға эмоциялық тұрғыда жақын тіршілік иесі ретінде көрсетпеуі тиіс. Үй тапсырмасын орындау кезінде жүйе дайын жауапты бірден ұсынбай, оқушының мәселені өз бетінше шешуіне көмектеседі. Ол үшін тақырыпты түсіндіріп, дұрыс бағытқа жетелейтін сұрақтар қояды. Ата-аналар өз аккаунтын баласының аккаунтымен байланыстырып, ChatGPT қолданылмайтын уақыт аралығын белгілей алады. Жасөспірімнің қауіпсіздігіне елеулі қатер төнген жекелеген жағдайларда ата-анаға тиісті хабарлама жіберіледі. Алайда баланың ChatGPT-пен жазысқан хаттарын көруге мүмкіндік берілмейді. Егер жүйе пайдаланушының 18 жасқа толмағанын анықтаса, оның аккаунты автоматты түрде жасөспірімдерге арналған режимге көшіріледі. Жасты анықтау үшін OpenAI арнайы бағалау жүйесін қолданады. Онда пайдаланушының қандай сауалдар қоятыны және сервисті пайдалану ерекшеліктері де ескеріледі».

 

Еуразия24 пікірі:

Қазақстанда жасанды интеллектіні қолдану аясы қарқынды кеңейіп келе жатқанын ескерсек, мұндай шешімнің маңызы зор. Бұған дейін UNICEF Kazakhstan  балаларға қауіпсіз жасанды интеллектіні дамыту бағытында бірқатар жұмыс жүргізді. Балалардың мүддесін ескеретін ЖИ жүйелеріне қатысты қауіпсіздік ұсынымдары әзірленіп, тиісті қағидалар «Қазақстан балалары» тұжырымдамасына енгізілді. 2026 жылы мемлекет білім беру саласына ЖИ енгізу кезінде балалардың қауіпсіздігін қамтамасыз ету мәселесіне де ерекше назар адарды.

2025 жылы мамырда Мәжіліс депутаты Екатерина Смышляева мектеп оқушыларына ChatGPT пайдалануды шектеу туралы ұсыныстарға қатысты өз ұстанымын білдірген болатын. Ол тыйым салудың орнына балалардың сыни ойлау қабілетін дамытып, жасанды интеллектіні пайдаланудың этикалық қағидаларын қалыптастыру қажет екенін айтты.

Дегенмен балалар арасында кеңінен қолданылатын әрі білім алуға мол мүмкіндік беретін мұндай сервистерді әр мемлекеттің жеке-жеке шектеуге тырысқанынан гөрі, OpenAI-дың өз платформасында жасөспірімдердің жас ерекшелігіне сай қауіпсіздік тетіктерін енгізуі әлдеқайда тиімді болмақ.

 

Перепечатка и копирование материалов допускаются только с указанием ссылки на eurasia24.media

Бөлісу:

Читать далее:
Related

Тоқаев ауыл шаруашылығын қолжетімді шарттармен несиелеуге банктерді кеңінен тарту қажет деп санайды

Қазақстан Президенті Қасым-Жомарт Тоқаев Үкімет пен Ауыл шаруашылығы министрлігіне екінші деңгейлі банктердің аграрлық саланы қолжетімді шарттармен несиелеуге қатысуын кеңейту мәселесін шешуді тапсырды.

Қазақстан жасанды интеллектінің көмегімен әлемдік деңгейдегі азық-түлік өндіруші елге айналуы мүмкін – Тоқаев

Қазақстан Президенті Қасым-Жомарт Тоқаевтың пікірінше, ауыл шаруашылығына жасанды интеллект технологияларын енгізу саланың дамуына тың серпін беріп, еліміздің әлемдік деңгейдегі ірі азық-түлік өндіруші елге айналуына жол ашуы мүмкін.

Тоқаев бюджет қаражатын үнемдеу үшін аграрлық саладағы бағдарламаларды оңтайландыруды тапсырды

Қазақстан Президенті Қасым-Жомарт Тоқаев бюджет қаражатын үнемдеу мақсатында Үкіметке аграрлық саладағы бағдарламаларды жан-жақты талдауды тапсырды.

Қазақстанда жеңіл өнеркәсіпке салық жеңілдіктерін беру және проблемалық қарызы кешірілген азаматтарды жеке табыс салығынан босату жөніндегі өзгерістер мақұлданды

Қазақстанда Премьер-министрдің орынбасары – Ұлттық экономика министрі Серік Жұманғариннің төрағалығымен өткен Салық кодексін енгізу жөніндегі жобалық кеңсенің 30-шы отырысында салық заңнамасына қатысты екі түзету мақұлданды. Бұл туралы Үкіметтің баспасөз қызметі хабарлады.