Париж. 13 шілде. ИНТЕРФАКС – Франция Президенті Эммануэль Макрон елдің қорғаныс саласына арналған бюджетін 2027 жылға дейін екі есеге арттыру жоспарланып отырғанын мәлімдеді. Бұл көрсеткіш оның 2017 жылы президенттік қызметке кіріскен кездегі деңгеймен салыстырылып отыр.
«Қорғанысқа бөлінетін қаражат 64 миллиард еуроға жетеді. Бұл – 2017 жылғы көлемнен екі есе артық. Бұған 2029 емес, дәл 2027 жылы қол жеткіземіз», – деп келтіреді Bloomberg мемлекет басшысының сөзін.
Макронның айтуынша, жоспарланған межеге жету үшін 2026 жылы қосымша 3,5 миллиард еуро, ал 2027 жылы тағы 3,2 миллиард еуро бөлу қажет болады.
«Бүгінгі әлемде еркін болу үшін сенен қорқу керек, ал сенен қорқу үшін сен күшті болуың қажет», – деп Франция президенті қорғаныс шығындарын арттыруға қатысты ұстанымын түсіндірді.
