Вашингтон. 14 шілде. ИНТЕРФАКС – АҚШ президенті Дональд Трамп Ресейге қатысты мәлімдемесі санкцияларды қамти ма деген сұраққа нақты жауап беруден жалтарды.
«Көре жатармыз, бұл ертең белгілі болады», – деді ол журналистерге.
АҚШ басшысы Украинадағы қақтығысты реттеу барысына тағы да көңілі толмайтынын атап өтті. Бұған дейін Трамп дүйсенбі, 14 шілде күні Ресейге қатысты маңызды мәлімдеме жасайтынын хабарлаған болатын.
«Меніңше, дүйсенбі күні Ресейге қатысты маңызды мәлімдеме жасаймын», – деді ол NBC News арнасына берген сұхбатында. Алайда Трамп мәлімдеменің мазмұнына қатысты ешқандай егжей-тегжейлі ақпарат бермеді.
