Евразия24ЖаңалықтарШвейцарияның орталық банкі мөлшерлемені 0% деңгейінде қалдырып, инфляция болжамын көтерді

Швейцарияның орталық банкі мөлшерлемені 0% деңгейінде қалдырып, инфляция болжамын көтерді

|

|

Мәскеу. 24 қыркүйек. ИНТЕРФАКС – Швейцария ұлттық банкі (SNB) бейсенбі күнгі отырысында негізгі пайыздық мөлшерлемені жылдық 0% деңгейінде өзгеріссіз қалдырды.

Бұл шешім Trading Economics сауалнамасына қатысқан сарапшылардың болжамымен сәйкес келді.

Швейцарияда негізгі мөлшерлеме 2025 жылғы маусымнан бері өзгерген жоқ.

«Инфляция біршама жеделдеді. Бұған ең алдымен энергия ресурстарының қымбаттауы әсер етті. Ал орта мерзімді кезеңде бағаның өсуіне ықпал ететін факторлардың әсері айтарлықтай күшейген жоқ. Қазіргі ақша-кредит саясаты инфляцияны баға тұрақтылығына сай шекте ұстап, экономикалық өсімге қолдау көрсетуге мүмкіндік береді», – делінген SNB мәлімдемесінде.

Реттеушінің мәліметінше, екінші тоқсанда Швейцария экономикасы айтарлықтай жоғары қарқынмен өсті. Алайда өндірістік қуаттардың жүктемесі, әсіресе өңдеу өнеркәсібінде, орташа көрсеткіштен төмен болды. Жұмыссыздық та аздап өсті.

Тамызда елдегі жылдық инфляция шілдедегі 0,4%-дан 0,8%-ға дейін жеделдеп, кейінгі екі жылдағы ең жоғары көрсеткішке жетті.

Екінші тоқсанда Швейцарияның жалпы ішкі өнімі алдыңғы үш аймен салыстырғанда 1,5%-ға өсті. Бұл – кейінгі бес жылға жуық уақыттағы ең жоғары өсім. Жылдық есеппен экономика 2,8%-ға ұлғайды.

SNB инфляцияға қатысты болжамын да көтерді. Енді банк 2026 жылы инфляция 0,7%, ал 2027 және 2028 жылдары 0,8% болады деп күтеді. Маусымдағы болжамда 2026 және 2027 жылдарға 0,6%, 2028 жылға 0,7% көрсеткіші берілген еді.

Биылғы экономикалық өсім болжамы да жақсарды. Маусымда ЖІӨ 1% өседі деп күтілсе, енді өсім 1,5–2% аралығында болады деп болжанып отыр. 2027 жылға арналған болжам өзгерген жоқ – 1,5%.

Швейцария ұлттық банкі Таяу Шығыстағы жағдайға байланысты әлемдік экономикадағы белгісіздік әлі де жоғары екенін атап өтті.

«Энергия бағасы болжанғаннан едәуір жоғары болуы мүмкін. Мұндай жағдайда инфляция одан әрі жеделдеп, экономикалық өсім айтарлықтай баяулайды», – делінген банк мәлімдемесінде.

SNB ақша-кредит саясаты бойынша отырысты тоқсан сайын өткізеді. Келесі отырыс 10 желтоқсанға белгіленген.

Орталық банктің шешімі жарияланғаннан кейін швейцар франкі арзандады. Мәскеу уақытымен 11:57-де франк $1,208 болды. Бұл сәрсенбідегі сауда жабылған кездегі көрсеткіштен 0,33%-ға төмен. Еуро франкке шаққанда 0,29%-ға қымбаттап, бір еуро 0,9423 франк болды.

Перепечатка и копирование материалов допускаются только с указанием ссылки на eurasia24.media

Бөлісу:

Читать далее:
Related

Тоқаев ауыл шаруашылығын қолжетімді шарттармен несиелеуге банктерді кеңінен тарту қажет деп санайды

Қазақстан Президенті Қасым-Жомарт Тоқаев Үкімет пен Ауыл шаруашылығы министрлігіне екінші деңгейлі банктердің аграрлық саланы қолжетімді шарттармен несиелеуге қатысуын кеңейту мәселесін шешуді тапсырды.

Қазақстан жасанды интеллектінің көмегімен әлемдік деңгейдегі азық-түлік өндіруші елге айналуы мүмкін – Тоқаев

Қазақстан Президенті Қасым-Жомарт Тоқаевтың пікірінше, ауыл шаруашылығына жасанды интеллект технологияларын енгізу саланың дамуына тың серпін беріп, еліміздің әлемдік деңгейдегі ірі азық-түлік өндіруші елге айналуына жол ашуы мүмкін.

Тоқаев бюджет қаражатын үнемдеу үшін аграрлық саладағы бағдарламаларды оңтайландыруды тапсырды

Қазақстан Президенті Қасым-Жомарт Тоқаев бюджет қаражатын үнемдеу мақсатында Үкіметке аграрлық саладағы бағдарламаларды жан-жақты талдауды тапсырды.

Қазақстанда жеңіл өнеркәсіпке салық жеңілдіктерін беру және проблемалық қарызы кешірілген азаматтарды жеке табыс салығынан босату жөніндегі өзгерістер мақұлданды

Қазақстанда Премьер-министрдің орынбасары – Ұлттық экономика министрі Серік Жұманғариннің төрағалығымен өткен Салық кодексін енгізу жөніндегі жобалық кеңсенің 30-шы отырысында салық заңнамасына қатысты екі түзету мақұлданды. Бұл туралы Үкіметтің баспасөз қызметі хабарлады.