Брюссель, 18 шілде. ИНТЕРФАКС – Еуропалық одақтың Ресейге қарсы қабылдаған 18-санкциялық пакеті «Роснефть» компаниясының Үндістандағы мұнай өңдеу зауытына да қатысты шектеу шараларын қамтиды. Бұл туралы жұма күні ЕО Сыртқы саясат жөніндегі жоғары өкілі Кая Каллас X әлеуметтік желісінде хабарлады.
«Біз қабылданған шараларды «Роснефтьтің» Үндістандағы ірі мұнай өңдеу зауытына да кеңейттік», – деп жазды Каллас.
Аталған кәсіпорын Nayara Energy Limited компаниясына тиесілі. Бұған дейін Essar Oil деп аталған бұл актив 2017 жылы «Роснефть», Trafigura және UCP компаниялары тарапынан Essar Energy Holdings-тан сатып алынған болатын.
2023 жылы қаңтарда Trafigura өзінің 24,5%-дық үлесін Mareterra Group Holding (бұрынғы Genera Group Holding SpA) құрамындағы Hara Capital Sarl компаниясына сатқанын хабарлады.
Бүгінде «Роснефть» Nayara Energy компаниясындағы 49,13% үлеске иелік етеді. Оның құрамына жылына 20 млн тоннаға дейін шикізат өңдеуге қауқарлы, өңдеу тереңдігі 95,5% болатын Вадинардағы мұнай өңдеу зауыты, аса ірі VLCC танкерлерін қабылдай алатын теңіз порты және Үндістандағы 6 мыңнан астам жанармай құю станциясынан тұратын кең бөлшек сауда желісі кіреді.
