Евразия24Үздік бестікке енген ақпараттарДенсаулық сақтау министрлігі қауіпті инфекциялар бойынша жағдайды бақылап отыр

Денсаулық сақтау министрлігі қауіпті инфекциялар бойынша жағдайды бақылап отыр

|

|

Қазақстан Республикасы Денсаулық сақтау министрлігі хабарлайды: «Қазақстан Республикасының Денсаулық сақтау министрлігі Ресей Федерациясының Иркутск облысында аса қауіпті инфекцияға күдік туғызған жағдай туралы ақпаратқа байланысты ахуалды бақылап отыр. Қазақстанда жағдай тұрақты бақылауда, алдын алу шаралары қабылданды. Мемлекеттік шекарадағы өткізу пункттерінде санитарлық-карантиндік бақылау жүргізіліп жатыр. Көліктің барлық түрінде дене қызуы көтерілген, ауру белгілері бар немесе аса қауіпті инфекция жұқтырды деген күдік тудырған адамдар анықталған жоқ. Алдын ала бағалау бойынша инфекцияның Қазақстанға әкеліну қаупі төмен деңгейде қалып отыр. (…) Қолда бар мәліметке сәйкес, қазіргі уақытта ресейлік мамандар эпидемиологиялық тексеру жүргізіп жатыр. Түпкілікті диагноз әзірге ресми түрде расталған жоқ. Инфекцияның ықтимал көзі мен жұқтыру жағдайлары анықталуда».

 

Еуразия24 пікірі:

Қазақстанның денсаулық сақтау жүйесінде жақсы жолға қойылған бағыттың бірі – жедел эпидемиологиялық бақылау. COVID-19 пандемиясын еске түсірейік. Қазақстанда алғашқы жағдай тіркелмей тұрып-ақ санитарлық қызметтер Қытайдан келетін жолаушылар ағынын бақылауға алған еді. 2020 жылы 6 қаңтар мен 19 ақпан аралығында ғана өткізу пункттерінде 31,5 мыңнан астам адам тексерілді. Ал Қазақстанда коронавирус жұқтырған алғашқы екі адам 13 наурызда анықталды. Екеуі де инфекцияны шетелден жұқтырып келген. Сол кезде кейбір елдерде науқастар саны жүзден асатын.

Шекарадағы санитарлық-карантиндік бақылау тұрақты түрде жүргізіледі. Мәселен, 2025 жылы 26 өткізу пунктінде 7,2 млн-нан астам адам бақылаудан өтті. Карантиндік және аса қауіпті инфекциялардың елге әкеліну жағдайлары тіркелген жоқ.

Санитариялық-эпидемиологиялық қызмет эндемиялық елдерден келген азаматтарды да бөлек бақылауда ұстады. Нәтижесінде 2025 жылы Қазақстанда оба, тырысқақ, дифтерия, полиомиелит және іш сүзегін қоса алғанда, 19 қауіпті инфекцияның бірде-бір жағдайы тіркелмеді.

 

Перепечатка и копирование материалов допускаются только с указанием ссылки на eurasia24.media

Бөлісу:

Читать далее:
Related

Тоқаев ауыл шаруашылығын қолжетімді шарттармен несиелеуге банктерді кеңінен тарту қажет деп санайды

Қазақстан Президенті Қасым-Жомарт Тоқаев Үкімет пен Ауыл шаруашылығы министрлігіне екінші деңгейлі банктердің аграрлық саланы қолжетімді шарттармен несиелеуге қатысуын кеңейту мәселесін шешуді тапсырды.

Қазақстан жасанды интеллектінің көмегімен әлемдік деңгейдегі азық-түлік өндіруші елге айналуы мүмкін – Тоқаев

Қазақстан Президенті Қасым-Жомарт Тоқаевтың пікірінше, ауыл шаруашылығына жасанды интеллект технологияларын енгізу саланың дамуына тың серпін беріп, еліміздің әлемдік деңгейдегі ірі азық-түлік өндіруші елге айналуына жол ашуы мүмкін.

Тоқаев бюджет қаражатын үнемдеу үшін аграрлық саладағы бағдарламаларды оңтайландыруды тапсырды

Қазақстан Президенті Қасым-Жомарт Тоқаев бюджет қаражатын үнемдеу мақсатында Үкіметке аграрлық саладағы бағдарламаларды жан-жақты талдауды тапсырды.

Қазақстанда жеңіл өнеркәсіпке салық жеңілдіктерін беру және проблемалық қарызы кешірілген азаматтарды жеке табыс салығынан босату жөніндегі өзгерістер мақұлданды

Қазақстанда Премьер-министрдің орынбасары – Ұлттық экономика министрі Серік Жұманғариннің төрағалығымен өткен Салық кодексін енгізу жөніндегі жобалық кеңсенің 30-шы отырысында салық заңнамасына қатысты екі түзету мақұлданды. Бұл туралы Үкіметтің баспасөз қызметі хабарлады.